Bókun í rútu

Þátttakendum í Laugavegshlaupinu stendur til boða að nýta sér rútuþjónustu á vegum skipuleggjenda. Hægt verður að panta rútumiða í gegnum Corsa og eru eftirfarandi valkostir í boði:

• Rúta frá Reykjavík að upphafspunkti hlaupsins í Landmannalaugum og frá Þórsmörk til baka til Reykjavíkur (báðar leiðir).
• Rúta frá Reykjavík að upphafspunkti hlaupsins í Landmannalaugum (önnur leið).

Athygli er vakin á því að sætaframboð er takmarkað.

Rútupantanir

Rútupantanir fara fram á Corsa og fá hlauparar tölvupóst þegar opnað hefur verið fyrir bókanir.

Þátttakendur sem vilja gera breytingar á pöntuðum rútumiðum þurfa að hafa samband í gegnum netfangið info@marathon.is. Dæmi um slíkar breytingar er ef þátttakandi hyggst fara síðar úr Þórsmörk. Í þeim tilfellum gildir þátttökuarmband hlaupsins sem miði í almenna rútuáætlun Kynnisferða, sem má finna hér.

Athugið: Þeir þátttakendur sem ætla ekki að fara með rútunni frá Reykjavík en hyggjast taka hana á Selfossi eða við Hrauneyjar þurfa að láta skipuleggjendur vita með því að senda tölvupóst á info@marathon.is.

Aðstandendur sem vilja ferðast frá Reykjavík í Húsadal geta keypt rútumiða hér. Rútan leggur af stað frá BSÍ kl. 7:00.

Frá Reykjavík til Landmannalauga

Rútur í Landmannalaugar fara frá Skautahöllinni í Laugardal (Múlavegi 1, 104 Reykjavík) á hlaupadegi. Brottför er kl. 04:30 og 05:00, fer eftir ráshópum.

Hægt er að koma upp í rútuna á Selfossi kl. 05:00 og í Hrauneyjum kl. 07:15. Mikilvægt að láta vita með því að senda tölvupóst á info@marathon.is.

Athugið að ekki er mikill tími á milli komu rútanna til Landamannalauga og ræsinga hlaupsins. Þar sem aðstaða fyrir hlaupara er takmörkuð er mikilvægt að allir séu komnir í hlaupafatnað áður en komið er á staðinn. Sjá nánar hér.

Frá Húsadal til Reykjavíkur

Laugardagur: Áætlað er að fyrsta rúta fari úr Húsadal kl.17:30 í ár og sú síðasta í kringum kl. 21:00.

Sunnudagur: Þeir sem ætla í rútu á sunnudegi þurfa að bóka það sérstaklega í gegnum netfangið info@marathon.is. Þátttökuarmband hlaupsins gildir sem aðgöngumiði í rútu á sunnudegi líka. Farið verður með áætlunarbílum Kynnisferða til Reykjavíkur. Brottför er kl. 15:00 frá Húsadal. Sjá nánar á vef Kynnisferða.

Ferðir yfir Krossá

Rúta á vegum Kynnisferða býður uppá ferðir yfir Krossá í tengslum við Laugavegshlaupið. Rútan fer frá afleggjaranum í Húsadal laugardaginn 11. júlí á hálftíma fresti milli kl. 12:00-15:00. Það þarf ekki að bóka í þessar ferðir fyrirfram, gjaldið er greitt á staðnum. Ferðir til baka yfir Krossá verða milli kl. 17:00-19:00.

Ferðir frá Hvolsvelli

Hægt er að kaupa rútuferðir frá Hvolsvelli inn í Húsadal og til baka hjá Kynnisferðum. Tímasetningar ferða til og frá Þórsmörk, ásamt verðskrá og nánari upplýsingum, má finna hér á vef Kynnisferða.

Rútudagskrá

Rútur leggja af stað frá Skautahöllinni í Laugardal. Þátttakendum er úthlutað ráshóp eftir ITRA stigum. Hver ráshópur leggur af stað á mismunandi tímum: