Upplýsingar um mat sem þátttakendur í Laugavegshlaupinu geta keypt

Í þátttökugjaldi er innifalin næring á drykkjarstöðvum, sjá hér, ásamt því sem þátttakendur geta strax eftir hlaup fengið sér ávexti, orkudrykk, súkkulaði og vatn. Annar matur er ekki innifalinn í þátttökugjaldi. Þátttakendum stendur til boða að panta bæði morgunmat í Hrauneyjum og heita máltíð í Þórsmörk að hlaupi loknu. Þátttakendur sjá um að panta matinn sinn sjálfir og þurfa að gera það á „Mínar síður" fyrir 20. júní, en þá verður síðasti dagurinn til að panta matinn. 

Á leiðinni frá Reykjavík til Landmannalauga verður gert 30 mínútna morgunverðarstopp. Morgunmatur er fyrir þá sem hafa pantað og greitt fyrir morgunverð. Það verður hlaðborð svipað og síðustu ár. Verð á hlaupborði er 1.450 kr. Framvísa þarf miða fyrir morgunverð í Hrauneyjum.

Volcano Huts er staðahaldari í Húsadal og rekur þar alla aðstöðu. Allir þátttakendur fá tilboð um að kaupa heitan mat á sérstöku verði fyrir sjálfan sig og aðstandendur og fá matinn gegn framvísun matarmiða eða þátttökuarmbands. Panta þarf matinn á mínum síðum fyrir 20. júní og greiða við afhendingu gagna. Hægt er að velja um þrjár máltíðir. 

Drykkir með máltíðinni eru, eins og í hlaupinu öllu, í boði Ölgerðar Egils Skallagrímssonar - Egils. Tjöld á vegum hlaupsins eru fyrir hlaupara til að m.a. borða í.

Verð fyrir máltíð má sjá að ofan, ef keypt er á staðnum er verðið 4.500 kr. Matur fyrir börn á aldrinum 6-14 ára kostar 2.250 kr. hvort sem greitt er fyrir hann fyrirfram eða ekki. Matur verður í boði frá 15:30 og fram eftir kvöldi. Vinsamlega sýnið matarmiða eða þátttökuarmbandið þegar þið fáið ykkur mat.

Matur

Samstarfsaðilar