Skráning viðbótarupplýsinga
10. júní 2019

Laugavegshlaupið 2019 nálgast óðfluga og nú er aðeins um mánuður til stefnu. Við vonum að undirbúningur hlaupara gangi vel og að þeir séu um það bil að verða klárir í slaginn.

Allir hlauparar þurfa nú að fara inn á „mínar síður“ og skrá viðbótarupplýsingar. Um er að ræða skráningu á áætluðum lokatíma og ósk um að vera í ráshóp með ákveðnum hlaupafélögum. Á sama stað er hægt að panta sæti í rútu hlaupsins, morgunmat í Hrauneyjum og heitan mat í Þórsmörk ef fólk vill. Greiða þarf fyrir rútu og mat við afhendingugagna. Síðasti dagur til að skrá þessar upplýsingar er mánudagurinn 1.júlí. Eftir þann tíma lokar skráningin.

Notendanafn hlaupara á „mínar síður“ er kennitalan þeirra og lykilorðið var sent í tölvupósti við skráningu í hlaupið. Smellt er á „i“ merkið undir aðgerðir til að komast á upplýsingasíðuna. Hér er hægt að sækja nýtt lykilorð ef það er týnt. Athugið að ef nýtt lykilorð berst ekki gæti það verið í rusl póst hólfi, það ratar því miður stundum þangað.

Dagana fram að hlaupi fá þátttakendur nánari upplýsingar um öryggisbúnað, veður, færð o.fl. og eru því beðnir að fylgjast vel með tölvupóstinum sínum. Allar upplýsingar eru sendar frá netfanginu [email protected]

Að lokum skal minnt á að allar beiðnir um endurgreiðslu 50% þátttökugjalds og þar með afskráningu úr hlaupinu þurfa að berast fyrir 1.júlí 2019. Sjá nánar um endurgreiðslu hér í skilmálum hlaupsins.

Fallegt landslag á Laugaveginum

Deila þessari frétt
Samstarfsaðilar

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Laugavegshlaupið í júlí, Reykjavíkurmaraþon Íslandsbanka í ágúst, Tour of Reykjavik og Miðnæturhlaup Suzuki í júní, Norðurljósahlaup Orkusölunnar í febrúar og Reykjavíkurleikar í janúar.