Skráning hefst 11.janúar 2019
2. janúar 2019

Skráning í Laugavegshlaupið sem fram fer laugardaginn 13.júlí 2019 hefst föstudaginn 11.janúar 2019. Upplýsingar um verð, skilmála o.þ.h. eru nú aðgengilegar hér á vef hlaupsins.

Vakin er sérstök athygli á því að tímatakmörk hafa breyst síðan á síðasta ári. Hlauparar þurfa að ljúka hlaupinu á innan við 9 klukkustundum og 15 mínútum og yfirgefa drykkjarstöðina við Álftavatn innan 4 klukkustunda frá upphafi hlaups og drykkjarstöðina í Emstrum innan 6 klukkustunda og 30 mínútna frá upphafi hlaups. Einnig er nú skylt að vera með sitt eigið drykkjarmál eða brúsa ásamt flautu og álteppi. Sjá nánari upplýsingar um skilyrði fyrir þátttöku má finna hér.

Á meðfylgjandi myndbandi má sjá svipmyndir frá Laugavegshlaupinu 2018.

Deila þessari frétt
Samstarfsaðilar

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Laugavegshlaupið í júlí, Reykjavíkurmaraþon Íslandsbanka í ágúst, Tour of Reykjavik og Miðnæturhlaup Suzuki í júní, Norðurljósahlaup Orkusölunnar í febrúar og Reykjavíkurleikar í janúar.