Skráning er hafin

Skráning í Laugavegshlaupið 2020 sem fram fer laugardaginn 18.júlí er hafin hér á marathon.is. Skráning verður opin til 30.júní nema fullbókað verði í hlaupið fyrir þann tíma. Árið 2019 varð uppselt í hlaupið innan við þremur sólarhringum eftir að skráning hófst og því er mælt með að þau sem stefna á þátttöku skrái sig fyrr en síðar.

Hlauparar sem ekki hafa tekið þátt í Laugavegshlaupinu eru hvattir til að lesa greinina "Er Laugavegshlaupið fyrir þig?". Þar er farið yfir þau skilyrði sem þátttakendur þurfa að uppfylla í þessu krefjandi hlaupi.

Vakin er sérstök athygli á því að það eru tímatakmörk Laugavegshlaupinu. Þátttakendur þurfa að ljúka hlaupinu á innan við 9 klukkustundum og 15 mínútum og yfirgefa drykkjarstöðina við Álftavatn innan 4 klukkustunda frá upphafi hlaups og drykkjarstöðina í Emstrum innan 6 klukkustunda og 30 mínútna frá upphafi hlaups. Einnig er skylt að vera með sitt eigið drykkjarmál eða brúsa ásamt flautu, álteppi og síma með neyðarnúmerinu 112 vistuðu. Sjá nánari upplýsingar um skilyrði fyrir þátttöku hér.

Álftavatn
Deila þessari frétt
Samstarfsaðilar
  • Reykjavik Excursions
  • Adidas
  • Garmin
  • 66 Norður
  • Suzuki
  • margt smátt
  • Volcano Huts
  • Camelbak
  • Merki
  • Ferðafélag Íslands
  • Bændaferðir

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með fimm stórum íþróttaviðburðum: Laugavegshlaupið í júlí, Reykjavíkurmaraþon Íslandsbanka í ágúst, Miðnæturhlaup Suzuki í júní, Norðurljósahlaup Orkusölunnar í febrúar og Reykjavíkurleikar í janúar.