Allir hlauparar mæla með Laugavegshlaupinu
8. ágúst 2019

Laugavegshlaupið 2019 fór fram laugardaginn 13.júlí í 23.sinn. 513 hlauparar komu í mark í Þórsmörk og hafa aldrei jafn margir lokið hlaupinu.

Á dögunum fengu þátttakendur senda stutta viðhorfskönnun. Markmiðið með könnuninni var að gefa þátttakendum kost á að koma með ábendingar um það sem betur mætti fara svo hægt verði að halda enn betra hlaup á næsta ári. Um 300 manns tóku þátt í könnuninni og þökkum við þeim öllum kærlega fyrir að gefa sér tíma til að svara.

Gaman er að segja frá því að allir sem tóku þátt í könnuninni myndu mæla með Laugavegshlaupinu við aðra hlaupara. Margar fínar ábendingar bárust einnig sem munu nýtast vel í undirbúningi fyrir næsta hlaup.

Fjórir heppnir sem luku könnuninni voru dregnir út og fá 5.000 kr gjafabréf sem gildir sem greiðsla uppí þátttökugjöld í viðburði á vegum Íþróttabandalags Reykjavíkur. Eftirfarandi eru þátttökunúmer þeirra heppnu:

  • 26363088
  • 26363818
  • 26365398
  • 26558840

Vinningshafar þurfa að senda póst á [email protected] og fá þá send gjafabréfin sín um hæl.

Anna Berglind Pálmadóttir í Laugavegshlaupinu 2019

Deila þessari frétt
Samstarfsaðilar

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Laugavegshlaupið í júlí, Reykjavíkurmaraþon Íslandsbanka í ágúst, Tour of Reykjavik og Miðnæturhlaup Suzuki í júní, Norðurljósahlaup Orkusölunnar í febrúar og Reykjavíkurleikar í janúar.